"Челси" Обамеянгни АҚШ клубига ўтказмоқчи

"Челси" ҳужумчиси Пьер-Эмерик Обамеянг фаолиятини океанортида давом эттириши мумкин.

"Relevo" нашри тарқатган хабарга кўра, "Лос-Анжелас" клуби габонлик тўпурар хизматига қизиқиш билдирмоқда. Томонлар музокарани бошлаб юборган.

МЛСда трансфер ойнаси 24 апрель куни ёпилади, ўша муддатга қадар барчаси ҳал бўлиши лозим. Обамеянг 2022 йилнинг ёзида "Барселона"дан "аристократлар" сафига келиб қўшилганди.

Ушбу вақт оралиғида у 17 учрашувда майдонга тушиб, ўз ҳисобига 3 гол ва 1 ассистни ёздириб қўйган.