"Челси" бугун Марескани ишдан бўшатиши мумкин

"Челси" клуби Энцо Марескани бош мураббийликдан бўшатишга яқин турибди. Бу бугун, 1 январь куни содир бўлиши мумкин, деб хабар бермоқда The Guardian журналисти Алекс Крук.

Манбага кўра, Маресканинг клуб раҳбарияти билан муносабатлари узил-кесил бузилган. Бунда жамоанинг сўнгги натижалари алоҳида роль ўйнади: лондонликлар сўнгги 9 ўйинда 2 ғалабага эришган. "Борнмут"га қарши ўйиндан (2:2) кейин Мареска ўзини касалга солиб, матбуот анжуманида иштирок этмаган эди. Аслида у клубдаги вазиятдан норози бўлгани учун бормасликка қарор қилганди.

Лондонликлар Англия Премьер-лигасида 19 ўйинда 30 очко жамғариб, турнир жадвалида бешинчи ўринда бормоқда ва пешқадам "Арсенал"дан 15 очко ортда қолмоқда.