"Челси" бош мураббийликка Нагельсман, Энрике, Почеттино ва яна 2 та номзодни кўриб чиқмоқда
- 4-апрел 2023, 10:40
- Baxtiyorjon Toshtemirov
- 0
- Футбол
"Челси" раҳбарияти истеъфога чиқарилган бош мураббий Грэм Поттер ўрнига бешта номзодни кўриб чиқмоқда
Эслатиб ўтамиз, якшанба куни Поттернинг "Челси" бош мураббийлигидан истеъфога чиқарилгани эълон қилинган эди.
The Telegraph хабарига кўра, янги мураббий тайинлаш бўйича қарорни техник директор Лоуренс Стюарт ва спорт директори Пол Уинстанли қабул қилади.
Нашр бош мураббийлик учун фаворит сифатида "РБ Лейпциг"да Луоренс билан бирга ишлаган Юлиан Нагельсманни кўрсатмоқда.
Аввалроқ Нагельсманн «Бавария»дан истеъфога чиқарилганидан кейин танаффусга чиқиб, мавсум охиригача мураббийликка қайтмаслиги ҳақида хабар берилганди. Бироқ “Челси” немис мутахассиси билан музокара олиб боришга ҳаракат қилмоқчи.
Бошқа номзодлар орасида Маурисио Почеттино ва Луис Энрике ҳам бор. Маълумотларга кўра, “аристократлар” раҳбарлари сентябрь ойида Почеттино билан музокаралар олиб боришган, бироқ якунда Грэм Поттер номзодини танлашган эди.
Шунингдек, “Наполи” устози Лучано Спалетти ва “Айнтрахт” устози Оливер Гласнер билан музокаралар ўтказиш режалаштирилган.
Яқин вақт ичида "Челси" раҳбарияти номзодларнинг қайси бири клубга кўпроқ мос келишини аниқлаш учун ҳар бир номзоднинг ёндашувини таҳлил қилишни режалаштирмоқда.