Чалажон “Манчестер Юнайтед” қитъа миқёсида супернатижа қайд этди
- 22-феврал 2025, 16:49
- Zohir Toshxo’jayev
- 0
- Футбол
Европанинг энг кучли клублари асосан қитъанинг энг нуфузли икки турнири – Чемпионлар лигаси ва Европа лигасида иштирок этади.
Англия Премьер-лигасида ўзини кўрсата олмаётган ва кўп бор мағлубиятга учраган “Манчестер Юнайтед” қитъа миқёсида юқори кўрсаткичларни қайд этмоқда.
“Юнайтед” Чемпионлар лигаси ва Европа лигасининг жорий мавсумида майдонга тушган 72 та клуб орасида ҳали мағлубиятга учрамаган ягона жамоа ҳисобланади. Хусусан, манчестерликлар Европа лигасининг умумий босқичида бешта ғалаба ва учта дуранг қайд этиб, 18 очко билан тўғридан тўғри 1/8 финал йўлланмасига эга бўлди.
Бу босқичда Рубен Аморим шогирдлари “Реал Сосьедад” билан иккита учрашувда куч синашади.
УЕФАнинг учинчи мусобақаси – Конференциялар лигасида яна икки жамоа мағлубиятсиз одимламоқда. Булар Лондоннинг “Челси” ва Португалиянинг “Витория Гимарайнш” клубларидир.