"CAFA U-19 Championship 2022". Вакилларимиз Эронга қарши ўйинда тайёр ғалабани қўлдан чиқарди

19 ёшгача  бўлган футболчилар ўртасида "CAFA U-19 Championship 2022" турниридан ўрин олган Ўзбекистон - Эрон учрашуви якунига етди. Унда жамоалар жанговор 2:2 ҳисобида дуранг қайд этди.

Ҳамюртларимиздан голларга Шерзод Эсанов ва Шахриёр Жабборов муаллифлик қилди. Эронликлар таркибида икки гол Амир Ҳазбави ва Амир Иброҳимзода ҳисобига қайд этилди. 

Эслатиб ўтамиз, вакилларимиз иккинчи турни эртага ўтказади. 21:00 да бошланадиган баҳсда ҳамюртларимиз мезбон Тожикистон терма жамоаси билан куч синашади.