"CAFA Nation's Cup". Таремидан хет-трик, Азмундан эса дубль ёхуд Ўзбекистон финалда Эрон билан ўйнайди!

"CAFA Nation's Cup" турнири гуруҳ босқич 2-туридан ўрин олган Қирғиз Республикаси ва Эрон терма жамоалари ўртасидаги баҳс якунига етди. Беллашувда 1:5 ҳисоби қайд этилди ва унда меҳмонлар ғалаба қозонди. 

Эрон термаси сафида Меҳди Тареми хет-трик қайд этган бўлса, Сердар Азмун дубль муаллифига айланди. Қўшниларимизнинг ягона голини бизга яхши таниш бўлган Мирлан Мурзаев киритди. 

Шу тариқа, 2 ўйинда максимал 6 очко қўлга киритган Эрон терма жамоаси гуруҳда биринчи ўринни қўлга киритиб, финал йўлланмасига эга чиқди. Ҳал қилувчи баҳсда "форс йўлбарслари" Ўзбекистон терма жамоасига қарши саф тортади. 

{game}4188096{/game}