Бускетс "Реал" афсоналарини таъқиб қилмоқда

Испания терма жамоаси етакчиси Серхио Бускетс жаҳон чемпионати саралаш босқичидан ўрин олган Грецияга қарши баҳсда захирадан майдонга тушди.

Шу тариқа, "Барса" футболчиси терма жамоа либосидаги ўйинлари сонини 133 тага етказиб олди. Бу борада, у "кўк-анорранглилар" бош мураббийи Хавига тенглашиб олди. Ҳозирда, улар 3-ўринни бўлишиб турибди.

Улардан юқорида "Реал" клубининг икки афсонаси Икер Касильяс ҳамда Серхио Рамос бормоқда. Фаолиятини якунлаган дарвозабон Икер "қизил фурия" таркибида 167 учрашувда майдонга тушган бўлса, Рамос 180 та ўйин ўтказган.