“Бунёдкор”нинг собиқ мураббийи Бразилиянинг энг машҳур жамоасини бошқаради
- 16-октябр 2020, 10:45
- Zohir Toshxo’jayev
- 0
- Футбол
2009-2010 йилги мавсумда “Бунёдкор” жамоасини Ўзбекистон чемпионига айлантирган таниқли мутахассис Луис Фелипе Сколари Бразилиянинг энг машҳур клубларидан “Крузейро”ни бошқарадиган бўлди.
71 ёшли мутахассис янги жамоаси билан 2022 йилнинг охиригача шартнома имзолади.
Ўз вақтида мамлакатнинг энг қудратли клубларидан бири сифатида кўплаб совринларга эга чиққан “Крузейро” айни пайтда қуйи лига – В Серияда жойини сақлаб қолиш учун курашмоқда.
Таъкидлаш жоизки, Сколар “Крузейрони” 2000-2001 йилларда ҳам бошқарган. Ўшанда “Крузейро” Бразилиядаги нуфузли турнирлардан бир – Сул-Минас кубогини қўлга киритган эди.
Бразилия терма жамоасини 2002 йилда жаҳон чемпиони қилган Сколари мураббий сифатида ўз юртидан ташқари, Англия, Ўзбекистон, Саудия Арабистони, Хитой, Япония, Кувайт миллий чемпионатлари жамоаларини ҳам бошқарган.