"Бунёдкор" ва Жанубий Кореяда фаолият юритган футболчи "Навбаҳор" билан шартнома имзолади (Фото)

Ўзбекистонлик ярим ҳимоячи Жовлон Иброҳимов фаолиятини Наманганда давом эттирадиган бўлди. Бу ҳақда SPORTS.uz сайти манбаси хабар берди.

Бир йил давомида Жанубий Кореянинг "Сувон" клубида ўйнаган Жовлон Иброҳимов "Навбаҳор" билан шартнома имзолади. Энди ярим ҳимоячи янги мавсумни Наманганда бошлайди.

Маълумот ўрнида, Иброҳимов бир неча ҳафта аввал "Сувон" клубини тарк этганди.