"Бунёдкор" жиддий рақиб билан куч синашади

Анталияда ўқув-йиғин машғулотларини ўтказаётган "Бунёдкор" жамоаси бугун тўртинчи синов-назорат ўйинида майдонга тушади. Бу ҳақда клуб матбуот хизмати хабар берди.

Рақиб Украинанинг номдор жамоаси – “Заря”. Украина чемпионатида “Шахтёр”, “Динамо” ва “Днепр”дан сўнг турнир жадвалида 4-ўринни эгаллаб турган “Заря”га қарши ўйин бугун маҳаллий вақт билан 17:30да, Тошкент вақти билан 19:30да бошланади.