Бундеслигада порлаган юлдузлар 2-қисм
- 17-ноябр 2019, 18:08
- Эркин Ғайбуллаев
- 1
- Футбол
Германия Бундеслигаси ҳам дунёга жуда кўп футболчиларни тарбиялаб берган. Улар ҳақида сўзлашамиз.
Биринчи қисм мана бу ерда
Марк-Андре тер Штеген (“Боруссия Менхенгладбах”)
Тер Штеген менгхенгладбахнинг “Боруссия”си тарбияланувчиси ҳисобланади. 2011-йил апрел ойида мураббий Люсен Фавр унга “Боруссия” дарвозасини ишониб топширган ва Марк бу ишончни оқлаган. Шундан кейин у жамоанинг асосий дарвозабонига айланди ва кейинги мавсумда Киcкер журнали сўровномасига кўра энг яхши дарвозабонга айланган. 2014-йилда Виктор Валдеснинг “Барселона”дан кетиши сабабли, немис дарвозабони Камп Ноу томон отланди. Тер Штегенга Испания кубоги ва Чемпионлар лигасидагина ўйнаш насиб этди. Чунки Клаудио Браво Ла Лига баҳсларида мунтазам майдонга тушарди. Кейинчалик эса Браво билан рақобатда енгиб чиқиб, жамоанинг асосий дарвозабонига айланди. Каталонияликлар билан 4 марта Испания чемпионлигини, 1 марта чемпионлар лигасини, 1 марта УЕФА суперкубоги ва клублар ўртасидаги жаҳон чемпионлигини қўлга киритган. Терма жамоада эса озгина ишлари юришмаяпти. Ёахим Лёв учун Мануел Ноер асосий дарвозабон бўлиб қолмоқда.
Сон Хён Мин (“Гамбург”, “Байер”)
“Тоттенҳем”нинг асосий етакчиларидан бири Сон Бундеслиганинг иккита жамоасида ўйнашга улгурган. “Гамбург” академиясида футбол сирларини ўрганган. 201-2011 йилги мавсумдан олдинги тайёргарлик ўйинларида Сон ўзини кўрсата олади ва жамоа билан профессионал шартнома имзолайди. “Гамбург” сафида 73 та ўйинда 20 та гол муаллифига айланади. Мухлислар уни “Боруссия”га қарши ўйиндаги фаоллиги билан эслаб қолишди. Ўша ўйинда “Боруссия”ликларни 4-1 ҳисобида мағлубиятга учратишган ва кореялик футболчи дублга эришган эди. Кейинчалик эса футболчи Германиянинг бошқа бир жамоаси “Баер”га ўтиб кетди. У ерда ҳам жамоанинг асосий лидерига айланиб олди.
Кевин Де Бруйне (“Вердер”, “Волфсбург”)
Ҳозирги кундаги энг яхши плеймейкерлардан бири ўлиб турган Де Бруйнени кўпчилик “Волфсбург”даги ўйинларидан таниган. Аммо белгиялик футболчи “Вердер” сафида ҳам ўйнашга улгурган. Ўзининг илк ўйинидаёқ гол уришга эришганди. “Мусиқачилар” сафида Де Бруйне 34 та ўйин ўтказган ва 10 марта гол ва худди шунча голли узатмани ўз ҳисобига ёздириб қўйган. Ўзининг энг ёрқин ўйинларини у “Волфсбург” футболкасида намойиш этган. 2014-2015 йилги мавсумда гол+пасс тизими бўйича 31 очко (10 та гол ва 21та ассистант) тўплади. Бир қанча вақтдан сўнг яна ёрқин ўйинларини “Ман Сити” таркибида Пеп қўл остида кўрсатяпти.
Марио Манжукич (“Волфсбург”, “Бавария”)
Ўз юртидаги “Марсони”, “Загреб” ва “Динамо” каби клубларда ўйнаган хорватиялик футболчи Германияга қараб йўл олди. “Волфсбург” Мариони ўз сафиа қўшиб олди. Лекин Марио учун “бўрилар” Германиядаги биринчи клуб эмасди. Унинг биринчи жамоаси кўпчиликка нотаниш бўлган “Дитсинген” жамоаси бўлган. Жуда ёшлигида бу клуб сафида ўйнаган Манжукич кейинчалик “Марсони”га кўчиб ўтган. Фолксваген Аренада Марио Бундеслига тўпурарига айланган эди. Унинг ёрқин ўйинлари “Бавария” эътиборини тортди ва Мариони ўз сафига қўшиб олди. У мюнхенликлар сафида анча соврин ютди. 2013-йилги Чемпионлар лигаси финалидаги ғалаба голини ҳам Марио урган эди. Кейинчалик эса Пеп билан муносабатлари совуқлашгач, жамоадан кетишга қарор қилди. Туриннинг “Ювенус” жамоаси уни ўз сафига қўшиб олди.
Месут Ўзил (“Шальке”, “Вердер”)
Месут “Шальке 04” жамоаси тарбияланувчиси ҳисобланади. Кейинчалик эса “Вердер”да порлаб чиқди. 2008-2009 йилги мавсумда “Мусиқачилар” билан бирга Европа лигаси финалигача борди. Афсуски, “Шахтёр” бременликларни енгиб чемпион бўлганди ўшанда. Лекин ўша мавсум совринсиз бўлмади, “Баер”ни 1-0 ҳисобида мағлубиятга учратиб Германия кубоги соҳибига айланган эди. Ўзил жамоанинг етакчисига айланганидан сўнг, мадридликлар эътиборига тушади ва “Реал” сафига бориб қўшилади. Мадридда ўтказилган 3 мавсум давомида Криштиану Роналду билан бир-бирини тушунган ҳолда майдонда ҳаракат қилиб кўплаб хавфли вазиятларни ҳосил қилишди, голлар уришди. Ўз позитсиясида энг кучлилардан бирига айланди. Кейин эса Лондонга, “Арсенал” таркибига бориб қўшилди ва ҳозирда ҳам майдонда ўзининг ажойиб ўйинлари билан мухлисларни хурсанд қиляпти.