Бундеслига. "Бавария" "Хоффенхайм"ни йирик ҳисобда мағлуб этди. Кейндан дубль, Диасдан хет-трик

Германия чемпионатининг 21-тури доирасида "Бавария" ўз майдонида "Хоффенхайм"ни 5:1 ҳисобида мағлуб этди.

Учрашув Мюнхен шаҳридаги "Альянц Арена" стадионида бўлиб ўтди.

Ҳисоб 20-дақиқада очилди. Ҳарри Кейн 11 метрлик жарима зарбасини аниқ бажарди. Пенальти Кевин Акпогума қоидабузарлиги учун тайинланди ва у қизил карточка олди. 35-дақиқада Андрей Крамарич жавоб голини урди.

45-дақиқада Кейн яна пенальтидан гол киритиб, дубль қайд этди. Биринчи бўлимга қўшиб берилган иккинчи дақиқада эса у Луис Диасга голли узатмани амалга оширди.

62-дақиқада Диас ўзининг иккинчи голини урди, 89-дақиқада эса хет-трик расмийлаштирди.