Бундеслига. 5-турнинг илк ўйинида "Бавария" "Вердер"ни йирик ҳисобда мағлубиятга учратди

Бугундан бошлаб Бундеслиганинг 5-тури ҳам старт олди. Турнинг илк беллашувида Компани бошқарувидаги "Бавария" ўз уйида "Вердер"ни қабул қилиб, йирик 4:0 ҳисобида таслим этди. 
 
Тўқнашувнинг 22-дақиқасида ёзги трансферлар ойнасида жамоага келиб қўшилган Жонатан Таа ҳисобни очди. 45 ва 65-дақиқаларда эса Харри Кейн гол уриб, дублни расмийлаштирди ва "Бавария"даги голлари сонини 100 тага етказиб олди. Бундан ташқари, ўйиннинг 87-дақиқасида Лаймер ҳисобни янада йириклаштиришга муваффақ бўлди (4:0).