Бунақа пасларинг кимга керак?! Винисиус жамоадошини хафа қилди

Мадриднинг “Реал” жамоаси ҳужумчиси Винисиус Жуниор Испания чемпионати 12-турида “Райо Вальекано”га қарши баҳс (0:0) пайтида жамоадоши Дин Хёйсенни танқид қилди.

Бразилиялик футболчи ҳимоячи томонидан жуда кўп узун паслар берилаётганидан норози бўлган.

- Биз узоқ паслар билан ўйнаяпмиз, сен доим шундай узатмаларни беряпсан. Бу кимга керак? Биз гўё ғалаба керак эмасдек ўйнаяпмиз, - деган Винисиус ҳимоячини танқид қилиб.

Таъкидлаш жоизки, Винисиус Жуниор мураккаб характери билан ажралиб туради. Яқинда у “эл-класико”да захирага олгани учун бош мураббий Хаби Алонсога эътироз билдирган эди. Кейинчалик 25 ёшли юлдуз бутун жамоада узр сўрашига тўғри келди.