Бугун Париж “Катта Дубулға” турнирида икки дзюдочимиз татамига чиқади

Бугун Франция пойтахти Париж шаҳрида “Катта Дубулға” туркумига кирувчи янги мавсумнинг илк мусобақаси старт олади. 

Мукофот жамғармаси 154 000 еврони ташкил этувчи ушбу турнирда сайёрамизнинг 4 қитъаси роппа-роса 50 давлатидан жами 298 (164 эркак, 134 аёл) нафар дзюдочи медаллар учун татамига чиқади. Юртимиз спорт шарафини Баҳром Ботуров (-60 кг), Шаҳрам Аҳадов (-73 кг) ва Ўткирбек Тўрабоев (+100 кг) ҳимоя қилади. 

Бугун улардан икки нафари Баҳром Батуров ва тажрибали Шаҳрам Аҳадов баҳсларга киришади. Саралаш беллашувлари бизнинг вақт билан соат 14:00да бошланади. 

Дзюдочиларимиз учун Қуръа натижалари:

-60 кг: Баҳром Ботуров - Ҳусейн Аллаҳяров 

-73 кг: Шаҳрам Аҳадов - Ҳонг Нин Мак (Гонконг)/Жером Зелман (Кот-дʻИвуар)

+100 кг: Ўткирбек Тўрабоев - Амаду Мейте (Франция)