Бугун Ўзбекистон Кубоги гуруҳ босқичининг 2-тури бошланади. Кун дастуридан 4 та ўйин ўрин олган

Бугундан Ўзбекистон Кубоги гуруҳ босқичининг 2-тури учрашувлари старт олади. Кун дастуридан 4 та ўйин ўрин олган. 

Илк учрашув Тошкентда "Локомотив" ва "Турон" жамоалари ўртасида кечади. Биринчи турда ғалабага эришган жамоалар ўзаро ҳисоб-китоб қилиб олади. 

"Арал Самали" ўз уйида "Андижон"ни қабул қилади. Мағлуб жамоа кубок плей-оффидан умидини узса ҳам бўлаверади. 

"Насаф" ўз майдонида "Рубин"ни қабул қилади. Биринчи турда 10 та гол ўтказиб юборган Тошкент жамоаси Қаршида меҳмон бўлади. 

Куннинг марказий беллашуви Тошкентда "Бунёдкор" ва "Сўғдиёна" жамоалари ўртасида кечади.