Бугун БАА чемпионати ва РПЛдаги легионерларимиз ўйнайди

Бугун хорижда тўп тепадиган бир нечта футболчиларимиз клуби сафида ўз ўйиндарини ўтказади. 

Бирлашган Араб Амирликлари чемпионати 6-турида "Дубай дербиси" бўлиб ўтади. Ўзбекистон терма жамоаси аъзоси Азиз Ғаниев ҳаракат қиладиган "Шабаб Аль Аҳли" ўз уйида "Аль Наср"ни қабул қилади. Мазкур беллашув Тошкент вақти билан 20:30да бошланиши режалаштирилган.

Бугун Россия премьер-лигаси 13-тур ўйинлари бўлиб ўтади. Мазкур турда Қозоннинг "Рубин" жамоаси ўз уйи - "Казан Арена"да "Балтика"ни меҳмон қилади. Легионерларимиз Рустам Ашурматов ва Умарали Раҳмоналиев жамоасига ёрдам беришга тайёр. Бу баҳс 21:00да старт олади.