Бу ўйинчи керак эмас! Флик “Барса”нинг катта трансферини блоклади
- 1-апрел 2025, 11:10
- Zohir Toshxo’jayev
- 0
- Футбол
“Барселона” бош мураббийи Ханс-Дитер Флик клуб мутасаддилари топган вариант – “Ливерпуль” ҳужумкор футболчиси Луис Диаснинг Каталония жамоасига кўчиб ўтишига тақиқ қўйди.
El Nacional нашрининг ёзишича, клуб раҳбарияти 28 ёшли колумбиялик ўйинчини олиш ҳаракатларини бошлаш арафасида турган эди. Германиялик бош мураббий Луис Диаснинг ёшини инобатга олиб, трансферни маъқулламади.
Флик ўз бошқараётган лойиҳа доирасида истеъдодли ёш ўйинчилар билан узоқ муддат ишлашни маъқул кўрмоқда. Бош мураббий раҳбариятдан ҳужумкор футболчи позицияга “Атлетик”нинг 22 ёшли юлдузи Нико Уильямсни олиб келишни сўраяпти.
Чунки Нико Уильямс “Барселона” вакиллари Ламин Ямал ва Алекс Бальденинг дўсти ҳисобланади ва бу омил унинг каталонияликлар жамоасига тез мослашиб олишида муҳим аҳамият касб этади.