Бу Ҳусанов учун сенсацион трансфер бўлади!

Таниқли инсайдер Фабрицио Романо Англиянинг амалдаги чемпиони “Манчестер Сити” ўзбекистонлик ҳимоячи Абдуқодир Ҳусановга жиддий қизиқаётгани, Хосеп Гвардиола бу ўйинчи имкониятларидан хабардор экани ҳақида хабар тарқатгани анча шов-шув келтириб чиқирган эди.

“Шаҳарликлар”нинг йигирма ёшли марказий ҳимоячини олиш мақсади борлигини Буюк Британиянинг энг нуфузли манбалари ҳам тасдиқлай бошлади.

Хусусан, нуфузли манба – Mirror нашри манчестерликларнинг ўзбекистонлик футболчи бўйича режаси ҳақида ёзди.

- “Манчестер Сити” марказий ҳимоячи Абдуқодир Ҳусановни трансфер қилиш бўйича якуний қарор тасдиқланганидан кейин “Ланс”нинг талабларини қондиришга тайёр.

Маълум бўлишича, “Ланс” ўз ўйинчиси учун 20 миллион евро сўраган. Бу сумма “Манчестер Сити”ни қониқтиради.

“Шаҳарликлар” агар клуб раҳбарияти Абдуқодир Ҳусанов номзодини тасдиқласа, трансфер бўйича келишувга эришиш ҳеч қандай қийинчилик туғдирмайди, чунки “Ланс” қишки трансферлар даврида трансферлардан пул ишлаб олиши керак, - деб ёзмоқда Буюк Британиянинг Mirror нашри.

Таъкидлаш жоизки, қишки трансферлар даврида Абдуқодир Ҳусановни ўз сафига қўшиб олишни мақсад қилган жамоалар кўп.

“Манчестер Сити”нинг трансферларни амалга оширга масъул бўлган  мутасаддилари клуб раҳбариятининг Ҳусанов бўйича якуний қарорини кутаётган пайтда, бошқа клублар “Ланс”га ўзларининг асосли таклифларини юбора бошлади.

Ҳусанов трансфери бўйича биринчи чорлов “Лидс Юнайтед”дан бўлганди. Бу клуб “Ланс”га 20 миллион евро ваъда қилган бўлса-да, жамоа Англия Чемпионшипида ўйнаётгани боис,  бу  таклиф қабул қилинмади.

Англия Премьер-лигаси вакили “Вулверхэмптон” ўйинчини қўлга киритиш учун “Ланс” билан келишув шартларидан ташқари, Абдуқодир Ҳусановга доимий ўйин амалиёти берилишини кафолатлагани “бўрилар”ни ҳимоячи учун курашда фаворитга айлантирди.

Чунки 20 ёшли футболчининг ўсишда давом этиши, янги лигага тезроқ мослашиши, бир сўз билан айтганда, “синиб” қолмаслиги учун мунтазам майдонда ҳаракат қилиши муҳим аҳамият касб этади.

“Манчестер Сити”, “Ньюкасл”, “Челси” ва “Тоттенхэм” сингари қудратли ва бадавлат клубларнинг Абдуқодир Ҳусанов даражасидаги ўйинчини трансфер қилиши ҳеч қандай қийинчилик туғдирмаслиги, футболчи учун гранд клубларда тўп тепиш фахр уйғотиши мумкин, бироқ бу жамоалар янги ижрочиларга ўйин вақтини кафолатламайди.

Демак, Абдуқодир Ҳусанов ва унинг манфаатларини ҳимоя қилаётган агентлари янги жамоа танлашда футболчимизнинг ўйин амалиётига эга бўлиш имконятини ҳам чамалаб чиқишига тўғри келади.

20 ёшли ҳимоячимиз жорий мавсум барча турнирларда 16 маротаба майдонга тушиб, битта ассист қайд этди. “Ланс” мухлислари иштирокида ўтказилган сўровномада Абдуқодир  мавсумнинг биринчи қисмидаги энг яхши футболчи, деб эътироф этилди.

“Ланс”га 2023 йили ёзда қўшилган ва 2027 йилнинг ярмигача давом этадиган шартномага эга легионеримиз Transfermarkt порталида  12 миллион еврога баҳоланмоқда ва бу кўрсаткич бўйича Ўзбекистон ва Марказий Осиёнинг энг қимматбаҳо ўйинчиси ҳисобланади.

“Бўрилар” Ҳусановга асосий таркибдан жой кафолатлади, бошқа даъвогарлар “қимирлаб” қолди!

Буни бутун дунё кутганди! “Ланс” устози Ҳусановга Гвардиола қизиқаётганига қандай муносабат билдирди?

Шомуродов учун курашга жиддий клуб қўшилди!

“Рома” Шомуродовни қайси жамоага беради?

Файзуллаев: Яқинларимни Монакога олиб кетаман!

Файзуллаев: Машғулотларга боргим келмай қолди, Холанднинг кўзойнагидан ҳам олдим...