Бруну Фернандеш клуб рекордини такрорлаб, Роналду билан тенглашиб олди
- 3-апрел, 12:02
- Bilolbek Imomov
- 0
- Футбол
"Манчестер Юнайтед" сардори Бруну Фернандеш Англия Премьер-лигасида март ойининг энг яхши футболчиси деб топилди.
Ушбу соврин португалиялик ярим ҳимоячига фаолиятида олтинчи марта насиб қилди. Шу тариқа Бруну клуб рекордини такрорлаб, бу борада фақатгина ҳамюрти Криштиану Роналду билан бир қатордан жой олди.
Аввалроқ "Манчестер Юнайтед" сафида ойнинг энг яхши футболчиси совринини 6 марта қўлга киритган ягона футболчи Роналду эди. Энди эса Фернандеш ҳам ушбу натижага етиб олди.
Премьер-лига мутлақ рекорди эса Харри Кейн, Серхио Агуэро ва Муҳаммад Салоҳга тегишли — уларнинг ҳар бири 7 тадан ушбу мукофотни қўлга киритган.
Эслатиб ўтамиз, Бруну Фернандеш "қизил иблислар" сафида 2020 йил бошидан буён тўп суриб келмоқда.
Изоҳлар (0)
Ҳозирча изоҳлар йўқ