Бруно Фернандешни қўлга кирита олмаган "Ал-Ҳилол" бразилиялик ярим ҳимоячини сотиб олмоқчи

Саудия Арабистонининг "Ал-Ҳилол" клуби "Аталанта" жамоасининг 25 ёшли бразилиялик ярим ҳимоячиси Эдерсонни сотиб олишга қизиқмоқда, деб хабар бермоқда журналист Фабрицио Романо.

Манбага кўра, "Манчестер Юнайтед" ярим ҳимоячиси Бруну Фернандеш "Ал-Ҳилол" таклифини рад этгач, клуб раҳбарияти Эдерсон атрофидагилар билан боғланган. Тез орада футболчига расмий таклиф юборилиши мумкинлиги айтилмоқда.

Ўтган мавсумда Эдерсон барча мусобақаларда жами 49 та ўйинда иштирок этди, 5 та гол урди ва 2 та голли узатма амалга оширди. Футболчининг бергамоликлар билан амалдаги шартномаси 2027 йилнинг ёзигача мўлжалланган. Transfermarkt порталидаги маълумотга кўра, Эдерсоннинг бозор баҳоси 50 миллион еврога тенг.