Бразилиялик юлдуз “Реал”ни армон билан тарк этадиган бўлди
- 22-июл 2025, 05:59
- Zohir Toshxo’jayev
- 0
- Футбол
“Реал” клуб раҳбарияти жамоага катта умидлар билан олиб келинган бразилиялик футболчи Рейньер билан хайрлашишга қарор қилди.
As нашрининг маълум қилишича, Мадридга 2020 йили “Фламенго”дан 30 миллион евро эвазига олиб келинган иқтидор эгаси беш йилдан ортиқ вақт мобайнида асосий таркибга киришни уддалай олмади.
23 ёшли легионер шу пайтга қадар “Реал”нинг биринчи жамоасида дебют қила олгани йўқ.
Рейньер асосий вақтини ижарама-ижара юришга сарфлади. Ҳозирга қадар “Боруссия Дортмунд”, “Жирона”, “Фрозиноне” ва “Гранада” жамоаларида тўп тепиб келди.
“Реал”нинг янги бош мураббийи Хаби Алонсо Рейньерни ҳатто иккинчи жамоага қўшилишига қаршилик қилди. Энди бразилиялик ўйинчи тезроқ ўзига бошқа жамоа топиши керак. Агар бу иш ҳам ўхшамаса, “Реал” бир йил қолган шартномани муддатидан аввал бекор қилади.