Бўлди, “Манчестер Сити” марказий ҳимоячисини сотиб оламиз!

Италия чемпионатида пешқадамлик қилаётган “Интер” жамоаси раҳбарияти мавсум бошида “Манчестер Сити”дан ижарага олинган марказий ҳимоячи Мануэль Аканжини тўлиқ трансфер қилиш ҳуқуқидан фойдаланадиган бўлди.

Инсайдер Николо Скиранинг янгиланган хабарига кўра, миланликлар 30 ёшли футболчини 15 миллион евро эвазига сотиб олиш бўйича шартнома бандини фаоллаштиради.

Манбанинг таъкидлашича, швейцариялик футболчи А Серия гранди билан шахсий  шартнома шартларини келишиб олган. Битим 2028 йилнинг 30 июнигача амал қилади (яна 12 ойга узайтириш имконияти билан), йиллик маош эса тахминан 3,75 миллион евродан иборат бўлади.

Аввалроқ, Мануэль Аканжини сотиб олиш банди “Интер” скудеттони қўлга киритган тақдирда мажбурий кучга кириши ҳақида хабарлар тарқалган эди, аммо клубда футболчини натижалардан қатъи назар жамоада қолдиришга қарор қилинган.