Бизни термага қайтармасанг бўлмайди!
- 19-октябр 2023, 10:01
- Zohir Toshxo’jayev
- 0
- Футбол
Англия терма жамоасида “Евро-2024” финал босқичида ўйнаш имконияти бор. Мамлакат бош жамоасининг собиқ ўйинчилари бош мураббий Гарет Саутгейтнинг эътиборини қозонишга ҳаракат қилмоқда.
Sports.uz портали бу футболчилар билан таништиради.
Раҳим Стерлинг
Раҳим Стерлинг “Челси” сафида мавсумни яхши бошлаганига қарамай, терма жамоадан чақирув олгани йўқ. Ҳужумкор футболчи 2022 йилги жаҳон чемпионатидан кейин термага чақирилмади.Терма жамоада 82 та учрашувда 20 та гол урган 28 ёшли ўйинчи анча вақт спорт формасини тиклай олмаётган эди.
Мэйсон Маунт
Мэйсон Маунтни терма жамоага айнан Саутгейт жалб қилган. Ҳужумкор футболчи шу кунгача 36 та ўйинда қатнашди. Лекин Қатардаги жаҳон чемпионатидан кейин Маунт интиқлик билан кутган таклиф келгани йўқ.
Жейдон Санчо
Англия футболининг энг ёрқин истеъдоди сифатида эътироф этилган футболчи бугун “Манчестер Юнайтед” таркибига ҳам кира олмаяпти. Англия терма жамоасига қайтиш учун эса, ҳали анча тер тўкиши керак.
Эрик Дайер
Эрик Дайер Саутгейт қўл остида терма жамоада 37 та ўйин ўтказган. Бу футболчи ҳам термадаги сўнгги учрашувини жаҳон чемпионатида ўтказди. “Тоттенхэм”даги жойини йўқотган Эрик энди термага ҳам керак бўлмай қолди.
Конор Коуди
Англия терма жамоасининг умидли марказий ҳимоячиларидан эди. 2020 йилги Европа чемпионати ва 2022 йилги жаҳон чемпионатларида таркибга киритилганди. Бироқ Чемпионшипга тушиб кетган “Лестер Сити”га қўшилгани унинг терма жамоага йўлини ёпди.