Бир киши кам бўлиб қолган Ўзбекистон Мисрга имкониятни бой бериб қўйди

Ўзбекистон U23 - Миср U23 терма жамоалари ўртасидаги халқаро ўртоқлик учрашуви бўлиб ўтди ва унда вакилларимиз 1:2 ҳисобида имкониятни бой бериб қўйди. 

Беллашувнинг 23-дақиқасида Алишер Одилов ҳисобни очди. Иккинчи бўлим бошида Ҳожимат Эркинов фарқни иккитага ошириб қўйди, бироқ офсайд сабаб гол бекор қилинди. 57-дақиқада олимпиячиларимиз  бир киши кам бўлиб қолди: Маҳмуд Маҳаммаджонов шеригига нисбатан қўпол ўйнаган деб топилди ва ҳакам томонидан қизил карточка билан жазоланди.

73-дақиқада меҳмонларнинг ажойиб комбинациясидан сўнг, Билол Мазҳер ҳисобни тенглаштирди. Учрашувнинг 90-дақиқасида Зияд Муҳаммад узоқдан супер зарба йўллаб, Назаров қўриқлаётган дарвозани ишғол қилди. 

Шу тариқа, Кападзе шогирдлари мағлуб бўлди.