Бир ҳужумчини беш клуб талашяпти

Бундеслигада “Байер” шарафини ҳимоя қилаётган тажрибали ҳужумчи Патрик Шик янги мавсумни бошқа клубда бошлаш имкониятига эга бўлди.

Ёзги трансферлар бозорида 29 ёшли футболчини олишга ҳаракат қилаётган клублар сони тобора ортиб боряпти. Журналист Экрем Конурнинг маълум қилишича, Шик тўртта мамлакатдан бешта клуб нишонига тушди.

Манбага кўра, Италия А Сериясидан “Милан” ва “Рома” чехиялик ўйинчини тезроқ ўз сафига қўшиб олишга уринмоқда.  Қолаверса, Бундеслиганинг ўзидан “Лейпциг”, Англиядан “Вест Хэм” ва Франциядан “Монако” ҳужумчига иш беришга тайёр.

Экрем Конур даъвогар клублар ўртасидаги “Милан” фаворит эканини таъкидлади. Миланликлар спорт директори Игли Таре трансфер бўйича иш бошлаб юборган.

Transfermarkt портали чехиялик форвардни 27 миллион еврога баҳолаяпти. Шик ўтган мавсумда “Байер” сафида барча турнирларда 45 та учрашувда рақиблар дарвозасини 27 маротаба ишзол қилди.