Биласизми? Ўзбекистон U-20 термамиз сентябрда ҳам Аргентина билан ўйнаган ва унда...

Равшан Ҳайдаров бошқаруви остидаги Ўзбекистон U-20 термамиз сентябрь ойида ҳам Аргентина U-20 терма жамоасига қарши майдонга тушди. Унда вакилларимиз 0:2 ҳисобида мағлубиятга учраган.

Дастлаб, 38-дақиқада Томас Куммер ҳисобни очган бўлса, 86-дақиқада Маестро Пуч ҳисобни 2:0 кўринишига келтириб қўяди. Қолаверса, беллашувда Беҳруз Асқаров ва Абубакр Ашуров қизил карточка олиб, майдондан четлатилган.

Эътиборлиси, бугун бошланадиган жаҳон чемпионатига Маестро Пуч кенгайтирилган таркибга жалб этилган. Бироқ Томас Куммер якуний рўйхатдан жой олмаган.