Биласизми? Кеча "Нефтчи" ўйинни 10 киши билан якунлади

Ўзбекистон Суперлигаси 3-туридан ўрин олган "Нефтчи" - "Сўғдиёна" беллашувида меҳмонлар 2:1 ҳисобида ғалаба қозонди.

Фарғоналиклар етакчиси Лутфулла Тўраев иккинчи таймда жароҳат олиб, ўйинни давом эттира олмади. Қизиқарли томони, бош мураббий Илҳом Мўминжонов бу пайтга қадар 5 та ўзгаришнинг барчасини амалга ошириб улгурганди ва натижада, "йўлбарслар" қарийб 15 дақиқа 10 киши бўлиб ўйнади.

"Нефтчи" Суперлига 3-туридан сўнг 3 очко билан турнир жадвалида 7-поғонани банд этган.