Биласизми? Аргентина 32 йил аввал Мундиални мағлубият билан бошлаган, аммо кейин мусобақа финалигача борган

Бугун Аргентина терма жамоаси жаҳон чемпионати гуруҳ босқичининг биринчи турида Саудия Арабистонига 1:2 ҳисобида мағлуб бўлди. "Альбиселесте" 1990 йилдан бери илк бор жаҳон чемпионатини мағлубият билан бошлади. Бундан 32 йил аввал Аргентина терма жамоаси турнирнинг очилиш ўйинида Камерунга 0:1 ҳисобида имкониятни бой берганди.

Қизиғи шундаки, 1990 йилги жаҳон чемпионатида стартдаги мағлубият Аргентина терма жамоасининг турнир финалига чиқишига тўсқинлик қилмаган. Кубок учун кечган курашда “Альбиселест” ўшанда немис жамоасига имкониятни бой бериб қўйган – 0:1.

Аргентина терма жамоаси ЖЧ-2022даги навбатдаги ўйинни 26 ноябрь, шанба куни ўтказади. Ўша куни Лионель Скалони шогирдлари Мексикага қарши баҳс олиб боради.