Бензема ва Винисиус "Хетафе"га қарши ўйнамайди

Мадриднинг “Реал” клуби ҳужумчилари Карим Бензема ва Винисиус Жуниор Испания чемпионатининг навбатдаги тур “Хетафе”га қарши ўйинда майдонга тушмайди.

"Diario AS" нашри хабарига кўра, "қироллик клуби" бош мураббийи Карло Анчелотти "Манчестер Сити"га қарши Чемпионлар лигасининг жавоб ярим финали олдидан ҳужумнинг асосий ўйинчиларига дам беришга қарор қилган.

"Хетафе" билан дуелда "Реал" Мадриднинг чуқур захирадаги футболчиларни ўйнаши кутилмоқда. Гап Эден Азар, Мариано Диас, Альваро Одриосола, Лукас Васкес кабилар ҳақида кетмоқда.

Эслатиб ўтамиз, "қаймоқранглилар" яқинда Испания Ла Лигаси турнир жадвалида учинчи ўринга тушиб кетди. "Атлетико" Мадрид Карло Анчелотти жамоасидан бир очко олдинда.