Бензема ортидан Н'Голо Канте ҳам "Ал-Иттиҳод" таклифига рози бўлди

"Челси" футболчиси Н'Голо Канте Саудия Арабистонининг "Ал-Иттиҳод" клуби таклифига рози эканини маълум қилди. Бу ҳақда таниқли журналист Фабрицио Романо хабар берди.

Маълум бўлишича, ярим ҳимоячи йилига 100 миллион евро маош олади. Келишув 2 йилга мўлжалланган. Шунингдек, битимда уни узайтириш имкони ҳам мавжуд. Канте Лондонда тиббий кўрикдан ўтгани айтилмоқда.

Эслатиб ўтамиз, кеча айнан "Ал-Иттиҳод" клуби "Реал" афсонаси Карим Бензема трансферини эълон қилганди. Шунингдек, Саудия Арабистонида Криштиану Роналду ҳам тўп тепади. У янги мавсумда ҳам "Ан-Наср"да қолишини маълум қилган эди.