Бензема Ла Лигадаги голлар сони бўйича "Реал" афсонасига етиб олди

Испания чемпионати 18-турида "Реал" "Атлетик" майдонида 2:0 ҳисобида зафар қучди.

Мадридликларнинг биринчи голига муаллифлик қилган Карим Бензема ўзининг Ла Лигадаги голлари сонини 228 тага етказиб олган ҳолда, клуб афсонаси Рауль Гонсалес билан тенглашди. 

Айни пайтда бу икки ҳужумчи рўйхатда 5-поғонани бўлишиб турибди. Улардан юқорида Уго Санчес (234), Тельмо Сарра (251), Криштиану Роналду (311) ва Лионель Месси (472) бор.

35 ёшли форвард жорий мавсум "қаймоқранглилар" сафида 18 учрашувда майдонга тушиб, ўз ҳисобига 12 гол ва 1 ассистни ёздириб қўйишга муваффақ бўлди.