Беллингем “Реал”дан кетиб, қаерда ўйнаши маълум бўлди
- 15-феврал, 10:05
- Zohir Toshxo’jayev
- 0
- Футбол
Англия футболи тарбияланувчиси бўлган Жуд Беллингем профессионал фаолияти давомида ўз юртида катта натижаларни қўлга кирита олмаган. Ёшлигадаёқ Дортмунднинг “Боруссия” клубига кўчиб ўтган футболчи маҳоратини Германия чемпионатида тоблади.
2023 йилнинг ёзида катта салоҳиятини намойиш қилган ҳужумкор футболчини Мадриднинг “Реал” клуби ўз сафига қўшиб олди.
Яқинда Жуд Беллингем ўз келажагига оид маълумотларни ошкор қилди. Touchline нашрининг ёзишича, 22 ёшли футболчи фаолиятини якунлашидан аввал Англия Премьер-лигасида ҳам тўп тепишни орзу қилаётган экан.
Таъкидлаш жоизки, Беллингемнинг ҳали бутун фаолияти олдинди. Хусусан, “Реал” икки ярим йил аввал 127 миллион евро эвазига олиб келинган футболчи билан 2029 йилнинг 30 июнигача давом этадиган шартнома тузган.
Жорий мавсумда ярим ҳимоячи барча турнирларда 28 та ўйин ўтказиб, 6 та гол урган ва 4 та голли узатма берган. Transfermarkt портали унинг қийматини 160 миллион евро деб баҳоламоқда.