Беллингем майдонда мақсадсиз югуриб юрибди

Мадриднинг “Реал” клуби собиқ ҳужумчиси Иполито Ринкон ҳозирги жамоа таркибидаги энг қимматбаҳо ўйинчилардан бири Жуд Беллингемнинг ўйинини танқид қилди.

Унинг фикрича, жамоа бош мураббийи Хаби Алонсога англиялик футболчи майдонда максимал фойда келтириши учун унга мос позиция топиш лозим.

- Жуд Беллингем майдонда мақсадсиз югуряпти. Хабига унинг ўз позициясига қайтариши керак, - деди Ринкон Marca газетасига берган интервьюсида.

23 ёшли англиялик футболчи “Реал”га 2023 йилнинг ёзида Дортмунднинг “Боруссия” клубидан 127 миллион евро эвазига ўтган. Айни пайтда унинг бозор қиймати 160 миллион еврога баҳоланмоқда.