Беллингем Манчестерга бормайди
- 29-октябр 2025, 18:11
- Zohir Toshxo’jayev
- 0
- Футбол
Англия Премьер-лигасида мавқеини тиклашга ҳаракат қилаётган “Манчестер Юнайтед” раҳбарияти қишки трансферлар даврида жамоага Жоб Беллингемни таклиф қилиш устида иш олиб бораётган эди.
Жоб “Реал”даги акаси Жуд Беллингемнинг йўлини такрорлаш мақсадида ёзди “Сандерленд”дан Дортмунднинг “Боруссия” клубига кўчиб ўтган эди.
Иқтидорли ҳужумкор футболчининг Бундеслигада ишлари юришмаяпти. 20 ёшли ярим ҳимоячи асосан захирадан майдонга тушмоқда. Етарлича ўйин амалиётига эга бўлмаётган англиялик чарм тўп устаси январда Дортмундни тарк этишга қарор қилган.
Беллингемларнинг кичигига оғиз солаётганлар орасида “Манчестер Юнайтед” ҳам бор. Бироқ сўнгги маълумотларга кўра, Беллингемга бу вариант маъқул келмади.
Mirror нашрининг ёзишича, Жоб Беллингем “Боруссия”ни тарк этадиган бўлса, фақатгина Европа Чемпионлар лигасида иштирок этадиган клубга ўтади. Рубен Аморим жамоаси эса, ўтган йилги инқироздан кейин халқаро мусобақалар йўлланмасидан қуруқ қолган.