Беларусь чемпионати. Легионерларимиз майдонда, Убайдуллаевдан гол!
- 22-август 2021, 23:03
- Shuhratbek Jo’rayev
- 0
- Футбол
Бугун Беларусь чемпионатида ўзбекистонлик футболчилар иштирокида ўзига хос дерби бўлиб ўтди. Шаҳзод Убайдуллаев, Бобир Абдуҳолиқов ва Дониёр Абдуманнопов тўп сураётган “Энергетик-БГУ” ўз майдонида яна бир ҳамюртимиз Шаҳбоз Умаровнинг БАТЭ клубини қабул қилди.
Ўйиннинг 12-дақиқасида Шаҳзод Убайдуллаев ҳисобни очди ва “Энергетик-БГУ”ни олдинга олиб чиқди. Аммо 17-дақиқада Умаровнинг жамоадоши – Неманья Милич ҳисобни тенглаштирди – 1:1. Учрашув охиригача ушбу натижа ўзгармади.
“Энергетик” сафида Убайдуллаев билан Абдуманнопов ўйинни бошланғич таркибда бошладилар. Танаффусдан кейин Абдуҳолиқов Абдуманноповнинг ўрнига майдонга тушди. 66-дақиқада Убайдуллаев ҳам ўрнини жамоадошига бўшатиб берди. Умаров эса БАТЭ таркибида тўлиқ ўйнади.
Изоҳлар (0)
Ҳозирча изоҳлар йўқ