"Байер" етакчиси финал остонасидаги ўйинда жамоасига ёрдам беролмайди

Леверкузеннинг “Байер” клуби форварди Кай Хаверц “Саарбрюкен”га қарши бўладиган Германия кубоги ярим финал учрашувини ўтказиб юборади. Бу ҳақда жамоа бош мураббийи Петер Бос “Бавария”га (2:4) қарши ўйиндан сўнг ўтказилган матбуот анжуманида айтиб ўтди.

“Бу ўйингача у тиклана олмайди, Кай бу учрашувда иштирок этмайди. Агар у ўйнашга тайёр бўлса ҳам, биз таваккал қилишимизга тўғри келади, биз эса бундай қилишни хоҳламаймиз. Умид қиламизки, Хаверц якшанба куни “Шальке”га қарши бўладиган ўйингача соғаяди”, - дейди Бос.