Мюнхеннинг “Бавария” клуби дарвозабони Мануэль Нойер умумий жамоа машғулотларига қўшилди. Бу ҳақда немис клуби матбуот хизмати хабар берди.
37 ёшли дарвозабон ўтган йилнинг декабрь ойида олган жароҳатидан сўнг биринчи марта жамоа билан тўлиқ машғулот олиб борди.
Қишки таътил пайтида Мануэль чанғи учаётган пайтда оёғини синдириб олган эди. Жароҳат сабаб Нойер ўтган мавсумнинг ярмини ўтказиб юборган эди.
Бундеслиганинг янги мавсумини "Бавария" икки ғалаба билан бошлади - "Вердер" (4:0) ва "Аугсбург" (3:1). Томас Тухель шогирдлари навбатдаги ўйинни сафарда Гладбахнинг "Боруссия"сига қарши ўтказади.
Изоҳлар (0)
Ҳозирча изоҳлар йўқ