“Бавария” Левандовски ўрнига ҳужумчи танлади
- 9-март 2022, 20:36
- Zohir Toshxo’jayev
- 0
- Футбол
“Бавария” асосий тўпурари Роберт Левандовскига муносиб ўринбосар топди. Польшалик ҳужумчи ўзини бошқа лигаларда синаб кўриш учун ёзда жамоани тарк этиши кутилмоқда.
Мюнхен суперклуби ҳам келаси йили эркин агентга айланадиган футболчига янги битим беришга шошилмаяпти.
“Бавария”скаутлари келажакда Левандовскининг ўрнини босадиган ҳужумчи қидирмоқда. Ҳозирча уларга “Штутгарт” вакили Саша Калайжикнинг ҳаракатлари маъқул келмоқда.
24 ёшли австриялик ҳужумчи ўтган мавсумда Бундеслигада 16 та гол ва олтита ассист расмийлаштирганидан кейин мюнхенликлар назарига тушган эди. Бу мавсумда у етти марта майдонга тушиб, бир жуфт гол муаллифи бўлди.
“Штутгарт” бу ўйинчига “Бавария”дан ташқари “Лейпциг” ва “Боруссия Д” қизиқиш билдираётганини инобатга олиб, ҳужумчи трансфери учун 30 миллион евро талаб қилмоқда.