"Бавария" Кейннинг келажаги бўйича қарор қабул қилди!

Мюнхеннинг "Бавария" клуби жорий мавсумда ажойиб ўйин намойиш этаётган ҳужумчи Харри Кейн билан шартномани узайтиришга умид қилмоқда. 32 ёшли форварднинг амалдаги келишуви 2027 йилнинг ёзигача мўлжалланган.

Журналист Тоби Альтшеффлнинг маълумотига кўра, мюнхенликлар раҳбарияти 2026 йил февраль ойида Кейн билан музокараларни бошлашни режалаштирмоқда — айнан ўшанда футболчининг шартномасидаги озод қилиш банди кучини йўқотади.

"Бавария"да жамоа етакчиси муваффақиятга жисмоний куч эмас, балки ўйинни яхши тушуниши ва техник маҳорати орқали эришмоқда, деб ҳисобланади. Шу боис, клуб раҳбарлари Кейн яна бир неча йил давомида юқори даражада ўйнай олишига ишонишмоқда.

Жорий мавсумда англиялик ҳужумчи 19 та ўйинда майдонга тушиб, 11 та гол урди ва 3 та голли узатма берди.