"Барселона"нинг яна 3 нафар футболчисида коронавирус аниқланди

“Барселона” футболчилари Усмон Дембеле, Самуюэль Умтити ва Гавида коронавирус аниқланди.

Клубнинг хабар беришича, футболчиларнинг аҳволи яхши ва улар ўз уйида карантинга олинган.

Шу тариқа, “Барса”нинг коронавирусдан даволанаётган футболчилари сони 7 нафарга етди. Бундан аввалроқ Хорди Альба, Дани Алвес, Клеман Лангле ва Алекс Бальдеда ҳам Covid-19 инфекцияси аниқланган эди.

"Барселона" навбатдаги ўйинини 2 январь куни ўтказади. Каталония клубининг рақиби "Мальорка" бўлади.