“Барселона” президентлиги сайловида ютқазган Фонт қаттиқ гапларни айтди

Виктор Фонт “Барселона” президенти сайловида мағлуб бўлганидан кейин бу ҳақда фикр билдирди. Аввалроқ,  Жоан Лапорта Каталония клуби президенти лавозимига қайта сайлангани хабар қилинган эди.

- Биз хафамиз. Биз клубни ўзгартиришни ва уни мухлисларга янада яқинлаштиришни истаган эдик. Бу афсусланарли ҳолат, аммо биз натижани қабул қиламиз, чунки шундай қилишимиз керак.

Қайта сайланган президент Жоан Лапортани ва унинг барча директорлар кенгашини табриклаймиз.

Биз бошқача “Барса”ни яратдик. Ва биз бу ишни ҳимоя қилишда давом этамиз, чунки бу олийжаноб иш, миллат манфаати учун қилинган иш.

Мен ишлашда, курашишда ва “Барса”ни ҳаётим клубига, орзумдаги клубга айлантириш учун интилишда давом этаман, - деди Виктор Фонт.

Жоан Лапорта “Барселона”ни икки марта, дастлаб 2003–2010 йилларда, кейин яна 2021–2026 йиллар давомида бошқарган. Қайд этилишича,  сайлов ғолиби 1 июлдан бошлаб, ўз лавозимига расман  киришади ва Каталония клубини 2031 йилгача бошқаради.