"Барселона" мухлисларига нохуш хабар. Яна бир ҳужумчи жароҳат олди

Ансу Фати жароҳат туфайли бир ойга сафдан чиқди.

"Барселона" ҳужумчиси чоршанба кунги машғулотда ўнг сонидан жароҳат олди. Бу ҳақда клуб Твиттер саҳифасида маълум қилди. 

Клуб хабарига кўра, футболчи тахминан тўрт ҳафта майдонга тушмайди. Бу 22 ёшли Фатининг жорий мавсумдаги иккинчи жароҳати. Июль ойида у оёғидан олган жароҳати туфайли мавсум бошини ўтказиб юборган эди.

Маълумот учун, жорий мавсумда Фати Ла Лигада 4 та ўйинда иштирок этди ва самарали ҳаракатлар кўрсата олмади.