"Барселона" Кубарси билан янги шартнома имзоламоқчи

Пау Кубарси "Барселона" билан янги меҳнат шартномасини имзолайди. Бу ҳақда таниқли инсайдер Фабрицио Романо хабар берди. 

Манбага кўра, келишув 2030 йилнинг ўрталарига қадар амал қилади. Кубарси "Барса" футбол академияси битирувчиси ҳисобланади. Жорий мавсумда ҳимоячи 36 та ўйин ўтказиб, 3 та гол уришга эришди.

18 ёшли ҳимоячининг "кўк-анорранглилар" билан амалдаги шартномаси 2027 йилнинг июнь ойи охирида якунига етади. Кубарсининг трансфер қиймати 70 миллион еврога баҳоланмоқда.