“Барса” уч футболчи бўйича якуний қарорга келди

“Барселона” раҳбарияти уч нафар футболчи бўйича якуний қарорга келди. Клуб мутасаддилари ярим ҳимоячи Френки де Йонг, ҳимоячилар Эрик Гарсия ва Жюль Кунде билан янги шартнома тузиш бўйича музокара бошлади.

Бу ҳақда нуфузли манба – Mundo Deportivo маълум қилди.

Юқорида номи келтирилган уч нафар ўйинчининг каталонияликлар билан амалдаги шартномаси 2026 йилнинг 30 июнида якунланади.

Улар келаси мавсум эркин агент сифатида бепул кетиб қолмаслиги учун янги битимга кўндириш ёк шу ёз сотиб юбориш талаб этилади.

Манбага кўра, франциялик ҳимоячи Жюль Кунде клуб таклиф қилган шартномани қабул қилган ва келажагини амалдаги чемпион билан боғлашга тайёр.

Мутасаддилар Нидерландия терма жамоаси аъзоси ҳисобланган Френки де Йонг билан ҳамкорликни яна уч йилга узайтирмоқчи. Трансфер бўйича экспертлар Эрик Гарсия ҳам катта эҳтимол билан Каталонияда қолишга розилик беришини айтмоқда.