“Барса” раҳбарияти ғазабда!

“Барселона”нинг ёшлар жамоаси бош мураббийи Рафаэль Маркес асосий таркибни бошқараётган Хави Эрнандес кетганидан кейин унинг ўрнини эгаллаш таклифидан воз кеча олмаслигини  билдирганди.

Унинг бу баёноти “Барселона” хўжайинларининг ғазабини келтирган. Ба ҳақда Sport.es сайти хабар тарқатди.

Раҳбарият Маркеснинг бу гаплари клуб атрофида таранглашиб бораётган ички муҳитни издан чиқариши мумкинлиги ва жамоа зиёнига ишлашидан хавотирга тушган.

Аввалроқ, агар Хави Эрнандес мавсум якунланмай туриб истеъфога чиқарилса, унинг вазифалари вақтинча Рафаэль Маркесга юклатилиши ҳақида маълумотлар тарқатилган эди.