"Барса" Коутиньо, Дембеле, Видаль ва яна 9 нафар футболчини сотиб юбормоқчи

"Барселона" клуби ўз таркибини кенг тарзда янгилашни режалаштирмоқда.

Marca нашрининг маълум қилишича, "кўк-анор ранглилар" 12 та футболчини сотиб юборишни мақсад қилмоқда.

Каталония клубининг трансферга қўйиладиган футболчилари рўйхатидан Нето, Нелсон Семеду, Самюэль Умтити, Хуниор Фирпо, Иван Ракитич, Артуро Видаль, Усмoн Дембеле ва Мартин Брэйтуэйт ўрин олган.

Шу қаторда, ижарадан қайтиб келадиган Карлес Аленья, Рафинья, Жан-Клер Тодибо ва Филиппе Коутиньо ҳам жамоани тарк этиши керак.

Эслатиб ўтамиз, Ла Лиганинг якунланган мавсумида "Барселона" клуби "Реал"дан 5 очкога ортда қолиб, иккинчи ўринни эгаллади.