“Барса” иккита “девор” ҳимоячи топиб қўйди

Испаниянинг амалдаги чемпиони “Барселона” кейинги пайтда жамоа таркибида рўй бераётган ўзгаришлар фонида турли чизиқларга янги ижрочиларни олишни режалаштирмоқда.

Sport.es сайтининг ёзишича, каталонияликлар ёзда жамоани тарк этган ҳимоячи Иньиго Мартинес ўрнини “Боруссия Дортмунд”да ўйнаётган Нико Шлоттербек билан тўлдирмоқчи.

Манбага кўра, Бундеслига вакили 25 ёшли ҳимоячини 40 миллион еврога баҳоламоқда. Шлоттербекнинг ўзи ҳам фаолиятини совринлар учун курашишга қодир қудратли клублардан бирида давом эттириш истагини билдирди.

Бундан ташқари, “Барселона” спорт директори Деку “Спортинг” марказий ҳимоячиси Гонсалу Инасиуни синчковлик билан кузатиб боряпти.

Экспертларнинг таъкидлашича, асли марказий ҳимоячи ҳисобланган Инасиу ҳам, худди Шлоттербек сингари чап қанот ҳимоясида ҳам ўйнай олади.