“Барса” афсонаси “Реал” устози Анчелоттини ҳимоя қилди

“Барселона” афсонаси ҳисобланган Хави Эрнандес каталонияликларнинг ашаддий рақиби – “Реал” бош мураббийи Карло Анчелотти ҳақида илиқ фикрлар билдирди.

- Карло Анчелотти охирги ўн йилда бир неча катта совринларни қўлга киритди. Бироқ уни ҳали ҳам танқид қилишяпти.

Испанияда босим кучли. Айниқса, “Барселона” ва “Реал”да бу кучлироқ билинади, - деди “Барселона”да ҳам  футболчи, ҳам бош мураббий сифатида фаолият юритган Хави.

Европа матбуоти Карло Анчелотти 11 май кун “Барселона”га қарши ўтказиладиган навбатдаги “эл-класико”дан кейин натижа қандай бўлишидан қатъи назар истеъфога чиққани эълон қилиниши ҳақида ёзмоқда.