Франция чемпионатида тўпурарлик маҳоратини намойиш қилиб келаётган Жонатан Дэвиднинг “Лилль” билан тузган шартномаси 30 июнь куни ўз ниҳоясига етади.
Айни пайтда Европанинг бир неча йирик клублари канадалик ҳужумчини ўз сафига қўшиб олиш учун уни ҳамкорликка кўндиришга уринмоқда.
Fichajes нашри журналистлари 25 ёшли футболчининг ўзи қайси клубга кўчиб ўтмоқчи эканига ойдинлик киритди.
Манбага кўра, Жонатан Дэвидни “Арсенал”, “Манчестер Юнайтед” ва “Челси” вариантларини қизиқтираётгани йўқ. Бу футболчи ўз тақдирини “Барселона” билан боғламоқчи.
Ўз навбатида, асосий тўпурари Роберт Левандовскининг ёши ўтиб қолаётганини инобатга олган каталонияликлар ҳам Жонатан Дэвидга қизиқиш билдиряпти.
Агар томонлар ўзаро ҳамкорлик масаласида келиша олса, ёзда “Барселона” яна бир моҳир тўпурарга эга бўлади.